Viroj | Ridejo

Kanibaloj

Du kanibaloj, patro kaj filo, ĉasas kaj renkontas belegan virinon. Filo diras:
- Paĉjo, paĉjo, ni manĝu ŝin!
- Ne, filo. Ni prenu ŝin hejmen kaj manĝu vian patrinon.

Ŝerco 75

Du kolegoj en laborejo:
- Ĉu vi parolas kun via edzino post seksumado?
- Se ŝi telefonos, do kial ne?

Vitroj

Parolas du kolegoj:
- Mi aŭdis onidirojn, ke eblas aĉeti vitrojn, dank' al kiuj ĉio aspektas pli bele, eĉ propra edzino.
- Ho, mi konas ilin de jaroj. Ili estas bonaj, sed vi ĉiam devas ilin plenigi.

Honesto

Knabo demandas knabinon:
- Ĉu iu iam diris al vi, ke vi estas bela?
La knabino ruĝiĝante diras:
- Ne…
- Nu, vidu kiel ĉiuj estas honestaj - konstatas la knabo.

Sidas du drinkemuloj, drinkas vodkon kaj laŭtlegas gazeton:
- Oni skribas, ke drinkado de alkoholo malplilongigas vivon je duono. Kiom da jaroj vi havas Johano?
- 30.
- Nu, vidu. Se vi ne drinkus, vi havus nun 60.

Klarvidulo

Klarvidulo diras al viro:
- Vi estas patro de du infanoj.
- Ĉu vi certas? - ridas viro kaj klarigas:
- Mi estas patro de tri infanoj.
- Ĉu vi certas? - ridas klarvidulo.

Du novaĵoj

Parolas du viroj:
- Mi havas du novaĵoj, bonan kaj malbonan.
- Unue diru bonan.
- Iras al ni du knabinoj.
- Kaj malbona?
- Ambaŭ estas malbelaj.

Libereco

Dum proceso juĝisto demandas akuzitan viron:
- Kial vi forkuris de malliberejo?
- Ĉar mi volis edziniĝi.
- Nu, do vi havas strangan imagon de libereco.

Familio

Post kelkaj monatoj da pasia rilato knabino demandas sian koramikon:
- Ni konas unu la alian jam tiom longe. Ĉu ne venis tempo por ke mi ekkonu vian familion?
- Kiel vi volas, kara. Sed nun tio ne eblas, ĉar mia edzino kun infanoj estas ĉe bopatrino.

Feliĉo

Freŝe geedziĝinta paro en hotelo:
- Mi petas ĉambron por unu tago. - diras juna edzo.
- Vi devas esti feliĉa - palpebrumas pordisto al edzino - kutime li prenas ĉambron nur por horo.