Tajpu per la X-metodo kaj la ĉapeloj aŭtomate aperos.

Plej bonaj ŝercoj

En ĉi tiu listo aperas nur ŝercoj, kiuj ricevis almenaŭ 3 voĉdonojn.

Ŝerco 235

- Panjo, kial la ventro de tiu virino estas granda?
- Ĉar en ŝia ventro estas bebo kiun ŝi multe amas!
- Se ŝi amas tiun bebon, kial ŝi manĝis ĝin?!

Murbeboj

Kiom da beboj estas necesaj por farbi muron?

Dependas de tio, kiom forte vi ĵetas ilin.

Ŝerco 1587

Filozofia konsiderado de trompulo:

« Oni faru hipotezon: mi edziĝas: mi prenas virinon: neniu diras ion.

Kontraŭe mi prenas surtuton: oni malliberigas min. Do virino valoras malpli ol surtuto ».

Fonto: Rido Sanigas

Ŝerco 1528

Oni elpensis novan kontraŭkoncipon: pafmortigi cikoniojn.

Fonto: Jozef Borský, 1111 anekdotoj en Esperanto

Ŝerco 1382

„Mi vidis en iu filmo, kiel senvestiĝis apud fiŝlago kvin aktorinoj samtempe.“
„Tio estis maldeca ago de reĝisoro.“
„Jes, mi ne sciis, kiun unue mi rigardu.“

Fonto: Jozef Borský, 1111 anekdotoj en Esperanto

Ŝerco 1278

„Kiun vi veturigis hieraŭ en aŭto?“ – demandas edzino.
„Direktoron kaj vicdirektoron.“
„Kaj ekde kiam unu el ili portas mamzonon?!“

Fonto: Jozef Borský, 1111 anekdotoj en Esperanto

Ŝerco 1122

En lernejo: „Kiam oni skribas majusklon?
„Kiam oni estas miopa.“

Fonto: Jozef Borský, 1111 anekdotoj en Esperanto

Ŝerco 1071

„Tiu sklerozo estas terura afero. Kio okazis antaŭ dudek jaroj, mi memoras precize, kaj kion mi deziris diri al vi antaŭ dek minutoj, mi ne povas rememori.
„Ne gravas, vi diros tion al mi post dudek jaroj.“

Fonto: Jozef Borský, 1111 anekdotoj en Esperanto

Ŝerco 1047

„Mi ne scias, kion fari. Doktoro malpermesis al mi promeni, sidi, kuŝi. Genui mi ne povas, mi havas reŭmatismon.“

Fonto: Jozef Borský, 1111 anekdotoj en Esperanto

Ŝerco 934

Revenas patro el laborejo kaj domzorgisto raportas: „Via filo rompis fenestron.“
La patro venis en loĝejon kaj diras al filo: „Diru nenion, ĉion mi scias.“
„Bone, do diru al mi, kiam oni kronis Karolon la Kvaran imperiestro?“

Fonto: Jozef Borský, 1111 anekdotoj en Esperanto