Lastaj ŝercoj

La submondo kaj ĝiaj plezuroj

Kiam Antisteno [disĉiplo de Sokrato] estis enkondukita en la Orfajn Misterojn, kiuj, kontraste al la ŝtata religio, promesis al siaj sekvantoj vivon post morto, la pastro priskribis al li per entuziasmaj vortoj la komfortojn kaj ĝojojn, kiuj atendus lin en la submondo. „Do, kial vi ne mortas tuj?“ respondis la filozofo kun skeptika ironio.

Fonto: Diogeno Laertio, La Vivoj kaj Opinioj de Famaj Filozofoj

Alternativa vidpunkto pri tombejmuroj

Ekonomie, la konstruado de tombejmuro estas senutila. Ĉar la enaj ne povas eliri, kaj la eksteraj ne volas eniri.

Fonto: YACE - Der Preis der Macht (ekonomia suspensromano de Jonas Cord)

La brila ekonomia problemsolvisto

Antaŭ 10—15 jaroj la ĉefa problemo estis trovi laboron. Nun la problemo estas trovi laborantojn.
-Putin, dum la pli ol du jarojn daŭranta rusia milito en Ukrainio

Fonto

Malnova soveta ŝerco

Ĉe la landlimo, patro kaj filo rigardas la pikdratan barilon.
- Patro, kiu estas malantaŭ tiu barilo?
- Filo, ni estas malantaŭ tiu barilo...

Fonto

Ĉapelumado en manĝejo

Viro invitas virinon en picejon. Eksidante ĉe la tablo li ne demetas sian ĉapelon. Ŝi demandas "Ĉu vi ne volas demeti la ĉapelon?"
- "Ho, mi ja ŝatas manĝi picon kun ĉapelo!"
Ŝi poste mendas ankoraŭ kaĉon kiel dezerton, kaj diras: "Nu, kaj mi ŝatas manĝi kaĉon sen ĉapelo."

Fonto: komento ĉe https://www.facebook.com/groups/1048962502110133/permalink/2161248804214825/

Malbona amoranto

El ĉiuj uloj, kun kiuj mi seksumis, la plej maltaŭga estis vi!
-Ho, ĉu ne estas nejuste tiel prijuĝi iun post nur ĉ. 30 sekundoj?

Suferado

Sinjoro diras al alia sinjoro: "Inter la sesa kaj la sepa kantis ĉi tiu terura virino. Ho, kiom multe mi suferis! Mi aŭdis inferajn sonojn kvankam mi provis kovri miajn orelojn per la manoj por ne aŭdi ilin."
La alia sinjoro respondas: "Ĉi tiu virino estas mia edzino. Vi suferis dum un horo, mi dum mia tuta vivo."

Fonto: Interlingua - instrumento moderne de communication international

Fidela edzino

Edzo, kuŝanta sur mortolito, diras al sia edzino: "Kara, kiam nia domo estis detruita dum ŝtormo, vi estis kun mi, kiam mi perdis mian postenon, vi estis kun mi, kiam ni estis preskaŭ sen mono, vi estis kun mi. Kaj nun, kiam mi estas mortmalsana kaj vi daŭre estas kun mi, mi demandas min, ĉu ne estas vi, aĉulino, kiu kaŭzas al mi la malfeliĉon!"

Buĉa

Ĉu vi scias, kio okazis en la ukrainia urbo Buĉa dum la rusia agreso? Buĉado.

la rezulto de la Esperantistiĝo

Antaŭ ol mi lernis Esperanton, mi tiam kapablis nur balbute petegi "Más despacio, por favor" kaj "Più lentamente, per piacere".

Sed nun, ellerninte la internacian lingvon, mi povas fiere deklari:

"Pli malrapide, bonvole."