Tajpu per la X-metodo kaj la ĉapeloj aŭtomate aperos.
Ridejo

Plej malbonaj tekstaj ŝercoj

En ĉi tiu listo aperas nur ŝercoj, kiuj ricevis almenaŭ 3 voĉdonojn.

Ŝerco 1084

Kuracisto: „Ĉi tiujn gutojn vi gutigu en la okulojn po unu trifoje tage.“
„Ĉu antaŭ aŭ post manĝo, sinjoro doktoro?“

Fonto: Jozef Borský, 1111 anekdotoj en Esperanto

2.6667/5 (3 voĉoj)
La Kuracistoj kaj pacientoj

Ŝerco 1094

En lernejo: „Kiel ni ekkonas aĝon de kokino?“
„Laŭ dentoj.“
„Ja kokinoj ne havas dentojn!“
„Sed ni havas.“

Fonto: Jozef Borský, 1111 anekdotoj en Esperanto

2.6667/5 (3 voĉoj)
La Lernejo

Ŝerco 1241

Ulo venas en gastejon kaj demandas kelneron: „Ĉu ĉi tie estas jam iu el tiuj idiotoj?“
„Ne, sinjoro, vi estas la unua.“

Fonto: Jozef Borský, 1111 anekdotoj en Esperanto

2.6667/5 (3 voĉoj)
La Restoracioj

Ŝerco 1333

„Sinjoro Zam, ĉu vi opinias, ke kisoj povas damaĝi?“
„Kompreneble! ...se ilin sekvas geedziĝo.“

Fonto: Jozef Borský, 1111 anekdotoj en Esperanto

2.6667/5 (3 voĉoj)
La Virinoj

Ŝerco 1379

Edzo ĉe fotisto: „Ĉi tie mi havas foton de via edzino.“
„Vi ŝajne fotis tion per centono de sekundo, ĉu?“
„Kial?“
„Ĉar ŝi havas fermitan buŝon.“

Fonto: Jozef Borský, 1111 anekdotoj en Esperanto

2.6667/5 (3 voĉoj)
La Viroj

Rozenoj

- Paĉjo, ĉu rozenoj havas kruretojn?
* Ne, filĉjo.
- Do mi ĵus manĝis araneon...

Fonto: Zvolensko

2.6667/5 (3 voĉoj)
La Infanoj

Vokalaj nuancoj 2

"Silento valoras oron!" - Tio estas moto.
"Ĉiuj silentas." - Tio estas muto.
"Virino silentas." - Tio estas mito.

Fonto: SCHWARTZ, Raymond ; ... Kun siaspeca spico!

2.6667/5 (3 voĉoj)
La Aforismoj, Esperantaj vortoj, Virinoj

Mia plej bona amiko

"Mia edzino forkuris de mi kun mia plej bona amiko."
"Sed Franĉjo neniam estis via plej bona amiko."
"Nu, nun li jam estas…"
2.6667/5 (18 voĉoj)
La Geedzeco

Ŝerco 52

Kiel aspektas kutima juda festo?
Oni volis mortigi nin, ni transvivis, bonan apetiton.
2.7500/5 (4 voĉoj)
La Religio

Ŝerco 243

La kuracisto klopodas konvinki la pacientinon:
- Se vi ne senvestos vin, mi ne povos ekzameni vin!
- Sed mi hontas, doktoro!
- Mi havas ideon: kiam mi malheligos la ĉambron, vi tuj senvestu vin, ĉu bone?!
- Konsentite! Mi jam senvestis min, sed kien mi metu miajn vestojn se mi nenion vidas?!
- Donu viajn vestojn al mi por ke mi metu ilin apud miaj vestoj!
2.7500/5 (4 voĉoj)
La Kuracistoj kaj pacientoj