Tajpu per la X-metodo kaj la ĉapeloj aŭtomate aperos.

Alkoholo

En ĉi tiu kategorio estas 60 tekstaj ŝercoj.

Ŝerco 212

La pastro promenis tra la strato kiam li renkontis ebriulon kiu provis trapiki formikon per pikilo. Sed li neniam sukcesas trafi ĝin kaj respondas:
- Nu! Mi maltrafis!
La pastro petis ke li ĉesu fari tian hontindan agon. Tamen, li ne obeas kaj daŭre elparolas:
- Nu! Mi maltrafis!
Tiam, la pastro koleriĝis kaj diris:
- Mi esperas ke Dio lanĉos punon sur vin!
Tiam, el la ĉielo aperis fulmo kiu trafis kaj mortigis la pastron. Sekve, iu voĉo veninta el la ĉielo elparolis:
- NU! MI MALTRAFIS!

Duŝo

Mateno. Edzo kun postebrio kaj ofendita edzino sidas komune ĉe tablo. Morna silento. Finfine edzino krias:
- Hieraŭ vi revenis tute ebria!
- Mi? Mi ne estis tiom ebria.
- Ne? Do kiu hieraŭ petis sur genuoj duŝon en banĉambro por ke ĝi ĉesu plori?

Studento

Kio estas la tri plej grandaj mensogoj de studentoj?
- Ekde morgaŭ mi ne drinkos.
- Ekde morgaŭ mi lernos.
- Dankon, mi ne estas malsata.

Du aŭ tri

Ivan kaj Peĉjo iras al alkoholvendejo:
- Ĉu ni prenos du aŭ tri?
- Du. Hieraŭ ni prenis tri kaj unu restis.
- Bone. Do... Bonvolu doni al ni kvar botelojn de vodko kaj du bulketojn.

Prezo de alkoholo

Parolas filo kun patro:
- Paĉjo, en televido oni diris, ke alkoholo iĝos pli multekosta. Ĉu tio signifas, ke vi drinkos malpli multe?
- Ne. Tio signifas, ke vi manĝos malpli multe.

Dolorigaj ŝuoj

Mi malamas ŝuojn. Ĉiam, kiam mi vekiĝas surhavante ilin, tutan tagon doloras mia kapo.

Vitroj

Parolas du kolegoj:
- Mi aŭdis onidirojn, ke eblas aĉeti vitrojn, dank' al kiuj ĉio aspektas pli bele, eĉ propra edzino.
- Ho, mi konas ilin de jaroj. Ili estas bonaj, sed vi ĉiam devas ilin plenigi.

Vodka efiko

Sidas du drinkemuloj, drinkas vodkon kaj laŭtlegas gazeton:
- Oni skribas, ke drinkado de alkoholo malplilongigas vivon je duono. Kiom da jaroj vi havas Johano?
- 30.
- Nu, vidu. Se vi ne drinkus, vi havus nun 60.

Arboj

Interparolas filo kaj patro.
- Paĉjo, kio estas drinkulo?
- Ĉu vi vidas tiujn kvar arbojn? Drinkulo vidas ok.
- Sed paĉjo, tie estas nur du arboj.

Metanolo

2 ĉeĥoj drinkas vodkon. Unu diras al alia:
- Ni iru hejmen, ĉar jam malheliĝas.